Құрамында мыналар бар: тазартылған су, күміс наноколлоиды, декспантенол, сорбитол, глицерин, калий, натрий минералды тұздары, ксантан шайыры, натрий цитраты, натрий бензоаты, лимон қышқылы, бұрышты жалбыз майы, эвкалипт майы, макроголглицерин гидроксистеараты.

Argentocare мұрынға арналған спрей, жалбыз мыналар үшін қолданылады:
– риниттерді, синуситтерді, әртүрлі текті риносинуситтерді, жедел және созылмалы аденоидитті кешенді емдеу, сондай-ақ ЖРВИ және ринит, синусит, риносинусит және аденоидитпен бірге жүретін басқа да ЛОР-ауруларды кешенді емдеу;
– мұрын қуысы инфекцияларының профилактикасы, әсіресе күзгі-қысқы кезеңде, құрғаудың, күйдірудің, мұрын қуысының шырышты қабығында қабыршақтың пайда болуының профилактикасы үшін, олардың пайда болу себептеріне қарамастан;
– орталықтандырылған жылу жүйесі бар, кондиционері бар үй-жайларда тұратын және/немесе жұмыс істейтін, қатты климаттық жағдайларда тұратын (ауа температурасы өте жоғары немесе төмен) адамдарда мұрынның шырышты қабығының физиологиялық тұтастығын сақтау үшін, жоғарғы тыныс алу жолдарының шырышты қабығы тұрақты ластануға ұшыраған адамдарға (шылым шегушілер, ыстық цехтар, шаңдану жағдайларындағы жұмысшылар, автокөлік жүргізушілері) мұрын шырышты қабығының физиологиялық бүтіндігін сақтау үшін.
Argentocare мұрынға арналған спрей, жалбыз медициналық мамандар, пациенттер және өндіруші айқындаған тағайындау бойынша жеке тұлғалар қолдана алады.
Қолдану шарттары: жеке қолдану үшін және медициналық мекемелер жағдайында.

Argentocare мұрынға арналған спрей, жалбыз жергілікті, интраназальді қолданылады.
Бірінші қолданар алдында оны препаратпен толтыру үшін дозаторды бірнеше рет басу керек.
Ересектерге және 3 жастан асқан балаларға
Argentocare мұрынға арналған жалбызды спрей құтының тіке қалпында мұрынның әр қуысына екі реттен тәулігіне 3-4 рет, қажет болса – одан да жиі бүріккіш қондырғысын басумен бүркеді.
3 жасқа дейінгі балаларға
Argentocare мұрынға арналған жалбызды спрей да соған ұқсас мұрынның әр қуысына бір реттен тәулігіне 3-4 рет бүркеді. Мұрыннан ағып шығатын қабыну секреттері және әртүрлі бөтен бөлшектерді қол орамалы, сүрткі немесе мақта арқылы сүртіп тастап, жою керек.
Argentocare мұрынға арналған спрей, жалбыз ересектер мен балаларда өз қажеттіліктеріне сәйкес сандық шектеулерсіз пайдаланылуы мүмкін.

Препаратты нұсқаулыққа сәйкес пайдалану кезінде анықталмады.

Argentocare мұрынға арналған спрей, жалбыз препаратын ұзақ қолдану асқынулар тудырмайды және тәуелділікке әкелмейді. Препаратты асқазан ойық жарасы, қант диабеті, жүктілік кезінде қолдануға болады. Препарат машинаны жүргізуге және механикалық құрылғыларға қызмет көрсетуге теріс әсер етпейді. Ластанғанда бүріккішті алып, оны жуып, қайнап тұрған сумен шайып жуыңыз. Argentocare мұрынға арналған спрей, жалбыз бүрку (нұсқаулыққа сәйкес пайдалану кезінде) мұрын қуысындағы қысымның жоғарылауына әкеп соқпайды.

Пластик құты мұрынға бүріккіш қондырмасы бар жиынтықта және медициналық қолдану жөніндегі қазақ және орыс тілдеріндегі нұсқаулықпен картон қаптамада.

25 0С-ден аспайтын температурада сақтау керек.
Балалардың қолы жетпейтін жерде сақтау керек.

2 жыл.
Жарамдылық мерзімі өткеннен кейін қолдануға болмайды.

Рецептісіз

«Ламира-Фармакар» ЖШҚ, Беларусь Республикасы, Ламира ЖШС лицензиясы бойынша, Ұлыбритания. 222215, Минск облысы, Смолевичск ауданы, Озерицко-Слободск а/к, 10Б Слобода агроқалашығы аймағы, 55 бөлме.
E-mail: info@lphc.by, Сайт: www.lphc.by