Дәрілік препараттың құрамы
Бір мл ерітінді (40 тамшы) құрамында
белсенді зат – 20000 ХБ (0,5 мг) холекальциферол (D3 дәрумені).
1 тамшы ерітінді құрамында 500 ХБ D3 дәрумені бар.
қосымша заттар: орташа тізбекті триглицеридтер

- балалар мен ересектердегі рахит пен остеомаляцияның профилактикасы
- дені сау балалар мен ересектерде оның сіңуін бұзбай D дәрумені тапшылығынан туындаған аурудың болжамды қаупінің профилактикасы
- ересектердегі остеопороздың демеуші емі үшін
- мерзімінен бұрын туылған балалардағы рахиттің профилактикасы
- балалар мен ересектерде мальабсорбциямен байланысты аурудың болжамды қаупінің профилактикасы
- балалар мен ересектердегі рахит пен остеомаляцияны емдеу үшін
- ересектердегі гипопаратиреоидизмді емдеу үшін.

Дозалау режимі
Дәрілік препараттың дозасын таңдағанда организмге D дәруменінің түсуінің барлық басқа көздерін ескеру қажет.
Д-Вит Ламира дәрілік препаратының дозаларын жеке анықтау керек.
Дәрілік препараттың 1 мл ерітіндісінде (40 тамшы) 20000 ХБ (0,5 мг) холекальциферол (D3 дәрумені) бар. 1 тамшы ерітіндіде 500 ХБ (12,5 мкг) холекальциферол бар. ХБ аббревиатурасы «халықаралық бірліктер» дегенді білдіреді; онда D дәруменінің белсенділігі өлшенеді.
Қолдану көрсеткішіне қарай төменде көрсетілген холекальциферол дозалары қолданылады.

Қолдануға болмайтын жағдайлар
- белсенді затқа немесе дәрілік препараттың құрамына кіретін кез келген қосымша заттарға жоғары сезімталдық
- D гипервитаминозы
- қандағы және/немесе несептегі кальций деңгейінің жоғарылауына әкелетін жағдайлар (мысалы, бүйрек арқылы кальций мен фосфаттардың шығарылуының бұзылуы, пациенттің иммобилизациясы, бензотиадиазин туындыларын қолдану (тиазидті диуретиктер))
- құрамында кальций бар бүйрек тастары
- артериосклероз
- бүйректің ауыр жеткіліксіздігі

Жүктілік
Жүктілік кезінде және емізу кезінде D3 дәруменінің тиісті мөлшерде түсуі талап етіледі.
Тәуліктік дозалар тәулігіне 500 ХБ дейін
Осы уақытқа дейін көрсетілген дозалар ауқымында холекальциферолды қолдану қаупі туралы ақпарат алынған жоқ.
Жүктілік кезінде D дәруменінің ұзақ дозалануынан аулақ болу керек, өйткені оның нәтижесінде пайда болатын гиперкальциемия физикалық және психикалық дамудың кешеуілдеуіне, балада қолқа стенозының клапанүстілік түрінің және ретинопатияның дамуына әкелуі мүмкін.
Тәулігіне 500 ХБ жоғары тәуліктік дозалар
Холекальциферолды жүктілік кезінде тек анық қажет болған жағдайда және тапшылықты жою үшін өте қажет болатын дозаларда ғана тағайындау керек. Жүктілік кезінде D дәруменінің артық дозалануын болдырмау керек, өйткені оның нәтижесінде пайда болатын гиперкальциемия физикалық және психикалық дамудың кешеуілдеуіне, балада қолқа стенозының клапанүстілік түрінің және ретинопатияның дамуына әкелуі мүмкін.
Лактация
D дәрумені және оның метаболиттері емшек сүтімен бөлінеді. Балаларда емізумен индукцияланған артық дозалану жағдайлары байқалған жоқ. Алайда, бала бір мезгілде D дәруменін басқа көздерден алатын болса (мысалы, құрамында дәрілік препараттар бар D дәрумені немесе D дәруменімен байытылған тамақ) артық дозалану ықтималдығын ескеру қажет.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді немесе болмашы әсер етеді.

10 мл дәрілік препараттан өздігінен жабысатын заттаңбасы бар, тамшылатқыш-қақпақпен жабылған 10 мл III класты қоңыр шыныдан жасалған тамшыларға арналған құтыда.
1 құтыдан медициналық қолдану жөніндегі қазақ және орыс тіліндегі нұсқаулықтармен бірге картоннан жасалған қорапшаға салынады.

25 ⁰С-ден төмен температурада сақтау керек.
Балалардың қолы жетпейтін жерде сақтау керек!

3 жыл.
Құтыны ашқаннан кейін препарат 6 ай бойы жарамды.
Жарамдылық мерзімі өткеннен кейін қолдануға болмайды!

Рецепт арқылы

Беларусь Республикасы
«Ламира-Фармакар» ЖШҚ Ламира ЛЛП лицензиясы бойынша, Ұлыбритания
222215, Минск облысы, Смолевич ауданы, Озерицко-Слободская а/с, Слобода 10 Б аг. жақын, 55 бөлме.
Тел/факс: + 375 (17) 555-52-76
E-mail: info@lphc.by

ООО «Ламира-Фармакар», Республика Беларусь, по лицензии Ламира ЛЛП, Великобритания.